Sot u bënë gjashtë vite prej kur ish-kandidati për deputet nga radhët e PDK-së në Rahovec, Elivs Pista, u vra pabesisht nga persona ende të panjohur.
Mesnatën mes 14 dhe 15 qershorit 2014, Pista kishte dalur në restaurant “Jaha”, për ta festuar ditëlindjen e bashkëshortes, atëbotë shtatzënë, por që doli të ishte mbrëmja e fundit për të, pasi të mërkurën do të varrosej në varrezat e qytetit në Rahovec.
Dega e PDK-së në Rahovec sot bëri homazhe te varri e tij, teksa fotot e realizuara pranë varrit i postuan në faqen e tyre zyrtare në rrjetin social “Facebook”.
