Kreu i komunës së Rahovecit merr vendim për masat e reja për parandalimin e përhapjes së infeksionit COVID-19

Kreu i komunës së Rahovecit, Smajl Latifi ka marrë një vendim të ri lidhur me situatën e krijuar së fundi, ku janë paraqitur disa raste të reja me koronavirus në vend.

Tashmë janë publikuar të gjitha vendimet, ndërsa ka qenë vetë i pari i Rahovecit që njoftoi qytetarët lidhur me këtë vendim, përmes faqes zyrtare të rrjetit social, “Facebook”.

640x74

Më poshtë të gjitha vendimet.

🔹Reduktohet stafi i zyrtarëve të Komunës së Rahovecit, në të gjitha drejtoritë komunale, përveç: personelit shëndetësor dhe Inspektoratit Komunal në përputhje me manualin për mbrojtje nga përhapja e COVID-19.

🔹OBLIGOHEN drejtorët e drejtorive të përcaktojnë orarin dhe organizimin e punonjësve sipas radhës dhe sipas nevojës shërbimet të kryhen nga shtëpia (online).

🔹️Qytetarët që hyjnë brenda objektit të komunës, obligohen të jenë të pajisur me maska dhe dorëza mbrojtëse, e njëjta vlen edhe për punonjësit dhe zyrtarët komunal që gjatë orarit të punës të jenë të pajisur me maska mbrojtëse, dorëza si dhe dezinfektues, (shërbimet nuk do të jepen nga institucionet për të gjithë ata që nuk i përmbahen Manualit për Mbrojtje nga Përhapja e Virusit COVID-19.

🔹Drejtorët e drejtorive obligohen që t’i njoftojnë përmes telefonit apo e-mailit, zyrtarët komunal që lirohen sipas pikës I të këtij vendimi në raste të domosdoshme varësisht nga situatat e krijuara që të paraqiten në vendin e punës.

🔹Zyrtarët me moshë mbi 60 vjet si dhe ata të cilët vuajnë nga sëmundje të ndryshme kronike nuk do të paraqiten në vendin e punës.

🔹 Punonjësit e Komunës së Rahovecit, që nuk i përmbahen këtij vendimi, përkatësisht përdorimit të masave mbrojtëse, si: dorëza dhe maska, do t’iu shqiptohen masa ndëshkuese sipas ligjit dhe akteve tjera në fuqi të aplikueshme në Republikën e Kosovës.

🔹Për çdo plotësim apo ndryshim të këtij vendimi, zyrtarët komunal do të njoftohen me kohë.

Shkruani koment:

Ju lutem shkruani koment.
Ju lutem shkruani emrin tuaj.