Tifo grupi ndër më të mirët në Kosovë, Ultras Vreshtarët, pasi u ndaluan nga policia e Kosovës që të zhvillojnë aksionin protestues për palestrën para syve të kryeministrit Isa Mustafa dhe ministrit të Financave, Avdullah Hoti, vazhduan aksionin brenda palestrës ku shpalosën banerin.
Protesta e Ultras Vreshtarëve u mendua të jetë paqësore dhe me vetëm një baner që do të zbulohej për zyrtarët e lartë të shtetit që po vonojnë përfundimin e palestrës.
Megjithatë, ashtu siç raportoi Rahoveci24 policia e urdhëruar reptësisht nga Isa Mustafa dhe vartësit e tij ekzekutuan urdhërat duke larguar tifozët prej vendit ku protestuan.
Tifozët thonë se ata u trajtuan si kriminelë, teksa thonë se nuk ka nevojë të frikësohet askush, ata vetëm duan palestrën.
Me këtë mesazh, ata edhe mbyllën aksionin e ditës, i cili ishte menduar si befasi për zyrtarët e LDK-së, të cilët megjithatë shfrytëzuan të gjitha mekanizmat shtetëror në duart e tyre për të eleminuar protestën paqësore të tifo grupit të Rahovecit.
/Rahoveci24/
