Të shtunën me fillim nga ora 19:00 do të zhvillohet ndeshja jetike për Rahovecin ndaj Bashkimit.
Nëse Rahoveci dëshiron të ëndërrojë për plasman në playoff dhe pretendim për trofe, atëherë patjetër duhet ta mposhtë Bashkimin të shtunën.
Skuadra rahoveciane i ka katër fitore kurse skuadra e Bashkimit i ka 8 fitore me dy ndeshje më shumë të zhvilluara.
Rahoveci me një triumf ndaj Bashkimit do të ngushtonte hapësirën në tabelë dhe me dy ndeshjet e mbetura do të mund të ëndërronte për playoff.
Rahoveci ka shumicën e ndeshjeve si vendas në stinorin pranveror dhe është e domosdoshme të mbushet palestra, por jo deri më 4 shkurt, e deri atëherë ndeshjet janë pa shikues.
Në këtë takim do të debutojnë lojtarët e rinj plejmejkeri Deshon dhe qendra Jervon Pressley.
Ameer Jackson do të mungojë për shkak të një lëndimi muskulor të pësuar në ndeshjen e fundit ndaj Teutës në Durrës.
/Rahoveci24/