Komuna e Rahovecit ka njoftuar se të premten do të vihet gurthemeli për ndërtimin zyrtar të Sheshit Qëndror të Rahovecit.
Ditë më parë në një njoftim të ndarë komuna e Rahovecit njoftoi për bllokimin e rrugëve kyçe ku do të fillojnë punimet.
Ndërsa tani, ka ardhur koha që të vihet zyrtarisht gurthemeli nga kryetari i komunës së Rahovecit, Smajl Latifi.
Prezent pritet të jetë edhe kryetari i komunës së Prishtinës, Përparim Rama, i cili ishte në jurinë e përzgjedhjes së planit për Sheshin Qendror të komunës së Rahovecit dhe do t’i qëndrojë nga afër këtij projekti.
Teksa ka shumë pikëpyetje për financimin dhe kohëzgjatjen e projektit, ajo që dihet është se punimet e sheshit do t’i kryejë kompania e njohur Famis Co nga Suhareka, kurse shuma totale e këtij projekti sillet rreth 4 milionë euro.
Sipas njoftimit, thirrja e gazetarëve dhe mediave për vënien e gurthemelit është rruga “Xhevat Kasapi”.
/Rahoveci24/
