Më në fund do të shohim pak atmosferë festive e sport në Rahovec.
Për katër ditë nga 21 deri 25 Shkurt i gjithë opinioni i basketbollit do ta ketë vëmendjen në palestrën “Mizahir Isma”.
Tetë ekipe të Ligë së Parë do të luajnë mes vete të ndarë në sistemin e Final 8 për trofeun e Kupës së Kosovës – Liga e Parë.
Ky format zhvillohet për herë të parë në formë të tillë dhe ka për synim avancimin e basketbollit.
Për plot katër ditë duke filluar nga e premtja në ora 14:30, do të ketë festë të basketbollit dhe atmosferë plot.
Ndeshjet do të transmetohen në Artmotion dhe bashkatdhetarët tanë do të mund të përcjellin këtë event.
Grapeland Rahoveci e nisë këtë garë si hapës i turneut të premtën nga ora 14:30, ku nevojitet përkrahja e shikuesve.
/Rahoveci24/