Për Prishtinën sot u angazhua në pjesën e dytë nga minuta e 83-të edhe i riu 19-vjeç, Sinan Kadiri. Pas 6 minutash lojë, si me dorë, nga e djathta harkoi fuqishëm dhe saktë për realizuesin më të mirë të skuadrës, Leotrim Kryeziu duke shpëtuar skuadrën nga humbja e pamerituar.
I riu Kadiri, është pjesë e FC Prishtina nga edicioni i kaluar kur ishte transferuar nga Rahoveci, ndërsa pati edhe dy paraqitje në stinorin pranveror të edicionit të kaluar, ndërsa ishte titullar i padiskutuar i skuadrës U21 dhe kampion i Kosovës në edicionin 2023/24.
Sinan Kadiri: I lumtur me debutimin për këtë sezon, edhe më i lumtur për asistimin tim të parë
“Fillimisht shumë i lumtur me debutimin për këtë sezon dhe padyshim edhe më i lumtur për asistimin tim të parë e që i doli ndihmë skuadrës duke i siguruar një pikë ekipit, ndërsa dhe me pak fat mund të dilnim edhe me tre pikë. Besoj shumë në këtë grup bashklojtarësh dhe shpresoj herëve tjera me rezultate pozitive”.