Hendbollisti i KH Rahovecit, Granit Kadiri, ka folur pas paraqitjeve të mira në ndeshjet e fundit, duke shprehur mirënjohje për bashkëlojtarët dhe klubin, si dhe duke bërë thirrje për përkrahje masive në duelin e radhës kundër KH Prishtinës.
Kadiri theksoi se për të është nder të mbajë fanellën e klubit të qytetit, duke u shprehur:
“Falënderoj bashkëlojtarët për përkrahjen, stafin drejtues dhe kryesinë e klubit për mundësinë e dhënë. Është nder i madh për mua të përfaqësoj fanellën e KH Rahovecit. Si i shënova 13 gola, si nuk shënova fare – gjithmonë jap maksimumin për klubin e qytetit tonë.”
Ai shtoi se skuadra është në formë të mirë dhe se objektivi është i qartë:
“Synoj të vazhdoj me formën e mirë, jemi duke stërvitur rregullisht dhe i marrim ndeshjet një nga një. Kemi pozitë të mirë në tabelë. Ndaj KH Prishtinës ftoj krejt qytetin të na përkrahin, sepse po shkojmë drejt një rrugëtimi historik për titullin e tretë rresht të kampionit.”
💙 Granit Kadiri – KH Rahoveci
Ambicie, përkushtim dhe besim drejt historisë së re të hendbollit rahovecas.