Arena “Mizahir Isma” pas 12 vitesh nga vënia e gurthemelit po finalizohet.
Presioni i madh nga sukseset e KB Rahovecit dhe organizimi i Final 8 ka alarmuar institucionet që ta bëjnë gati me kohë palestrën për zhvillimin e ndeshjeve të Kupës, organizim historin ky në Rahovec.
Ndriçimi është vendosur, ndërsa semaforët kanë arritur.
Qytetarë të shumtë po vizitojnë palestrën dhe kanë shprehur brengën e tyre për cilësinë e punimeve, ku vërehen çarje në tribuna.
Një qytetar ka dërguar foto nga tribuna, ndërsa një tjetër ka shprehur shqetësim për cilësinë e parketit.
“Sipas kësaj forme të punës, palestra do të prishet pas 2 vitesh”, deklaron një qytetar në kushte anonimiteti.
Final 8 fillon më 28 shkurt dhe palestra pritet të jetë gati për zhvillimin e ndeshjeve, më pas duhet të punohet edhe në disa detaje dhe përfundimisht të bëhet pranimi teknik.
Arena “Mizahir Isma”, pritet të jetë fortesë e klubit drejt kualifikimit në finale, më pas edhe në playoff.
