KH Rahoveci shënoi triumf të madh ndaj Drenicës në Kupë ditë më parë, duke bërë hap të madh drejt kualifikimit tutje në këtë garë.
Megjithatë në fundjavë të besuarit e Leonard Culës kthehen në Superligën e hendbollit ku i shkojnë Deçanit.
Kjo do të jetë ndeshja e dytë këtë edicion ndaj Deçanit, ku ndeshjen e parë e fitoi Rahoveci në “Mizahir Isma”.
Rahoveci ka 10 pikë nga 9 ndeshje, me bilanc pozitiv 5 fitore e 4 humbje që është rezultat fantastik marrë parasysh buxhetin tejet të ulët. Por prapa këtyre rezultateve është puna e jashtëzakonshme e Afrim Deliut dhe stafit teknik të klubit të cilët njihen edhe si legjendat rahoveciane të hendbollit.
Në top golashënuesit është Alban Haziri i Rahovecit në vendin e katërt me 59 gola, kurse Deçani e ka Drilon Tahirukajn në krye të listës me 90 gola andaj nuk pritet aspak sfidë e lehtë.
I riu rahovecas Egzon Vuçitërna i ka 29 gola këtë edicion.
/Rahoveci24/
