Nënshkruhet kontrata për ndërtimin e fazës së dytë të projektit të Emergjencës në Qendrën Kryesore të Mjekësisë Familjare në qytetin e Rahovec

Nënshkruhet kontrata për ndërtimin e fazës së dytë të projektit të Emergjencës në Qendrën Kryesore të Mjekësisë Familjare në qytetin e Rahovec, kontrata është nënshkruar nga kryetari i komunës, Smajl Latifi, Jetullah Kabashit shef i zyrës së prokurimit, Tahir Bugari pronar i firmës N.N.T “Etniku”, i pranishëm ishte edhe nënkryetari, Fatmir Iska.

Pas nënshkrimit të kontratës kryetari Latifi u shpreh se sot u nënshkrua kontrata për ndërtimin e Emergjencës në Qendrën Kryesore të Mjekësisë Familjare në Rahovec, konkretisht fazën e dytë të këtij projekti. Kontratën e nënshkruam bashkë me Operatorin ekonomik që do t’i kryjë punimet, N.N.T “Etniku”.

640x74

“Kjo kontratë, që kap vlerën e 487,000 eurove, tregon përkushtimin tonë në përmirësimin e shëndetësisë duke investuar në fusha që janë të domosdoshme për funksionimin e këtij sektori. Punë ka shumë, por ne nuk do të ndalemi deri në përmirësimin e gjendjes në shëndetësi dhe investimet e deritashme dhe ato që do të realizohen veçse e dëshmojnë një gjë të tillë”, ka thënë kryetari Latifi.

Shkruani koment:

Ju lutem shkruani koment.
Ju lutem shkruani emrin tuaj.