Futbollisti nga Rahoveci, Meriton Korenica, ka marrë numrin 10 te klubi Metalurg i Shkupit.
Meriton Korenica kaloi kohë më parë në formë huazimi gjashtë mujor nga Shkëndija te Metalurgu i Shkupit.
Aty Toni pritet të ketë më shumë hapësira ku do të mund të tregojë veten te një prej klubeve më të mëdha maqedonase, shkruan Rahoveci24.
Dhe klubi i tij i ri tashmë duket se po i beson shumë, pasi që në një foto ekskluzive të siguruar nga Rahoveci24, ai shihet me fanellën me numrin 10 që e marrin lojtarët kryesorë.
Meriton Korenica po vazhdon përgatitjet me Metalurgun për stinorin pranveror, ku presim të shohim shumë gola dhe paraqitje spektakolare prej tij. /Rahoveci24/
