Maja e Shkodranit ka qenë një prej pikave më piktoreske dhe më atraktive për turizmin e qytetit tonë.
Megjithatë, tash e tutje kështu nuk mund të thuhet për Majën e Shkodranit.
Vendi nuk ka fare mirëmbajtje dhe madje është degraduar totalisht e askush nuk po përkujdeset, shkruan Rahoveci24.
Qytetarët kanë dërguar fotografi duke shprehur shqetësimin për këtë vend, teksa edhe pas vizitës së gazetarëve në vendin e ngjarjes, u konstatua gjendja katastrofike e kësaj pike të rëndësishme dhe tejet atraktive të qytetit.
Mbetet të shihet nëse institucionet do të ndërmarrin masa për të vënë në gjendje të rregullt këtë pikë të rëndësishme të qytetit. /Rahoveci24/
