Trajneri i KB Rahovecit, Bujar Loci, është marrë me lojtarët e tij pas humbjes së thellë nga Ponte Prizreni.
Rahoveci u gjend në pozicion të palakmueshëm ndaj Pontes duke qenë në disavantazh të madh qysh në çerekun e parë, por më pas në disa momente sidomos kur Bardhi Rexha ishte në parket, ekipi u afrua shumë në rezultat.
Pas ndeshjes Bujar Loci para transmetuesit ndau kohë për të mos adresuar gabimet e tij, por për të kritikuar qendrën gjigante Amadi Ikpeze që ka mesatare “double double”.
“Kemi probleme në pozitat 4-5, aty është Amadi Ikpeze, i cili nuk është në nivel me qendrat tjera si Urim Zenelaj”, u shpreh Loci.
Madje ai tha se Alban Veseli po luan 4 e shpeshherë edhe 5, ndonëse sipas tij është 3-sh.
Rahoveci regjistroi humbjen e tretë rresht në Superligën e Kosovës në Basketboll dhe kriza në rezultate vjen pikërisht para Final 8 Kupës së Kosovës. /Rahoveci24/
