Kandidati për kryetar të komunës së Rahovecit, Visar Korenica, me anë të një postimi në rrjetin social Facebook, ka sulmuar ashpër PDK-në dhe LDK-në për një koalicion jo-formal mes tyre në shumë komuna edhe në Rahovec.
Sipas Korenicës, në debatin e fundit në Klan Kosova u vërejt se si kandidati i PDK-së, Idriz Vehapi dhe ai i LDK-së, Ibrahim Kryeziu, kanë bashkëpunuar vazhdimisht që sipas Korenicës është indikacion se ka një koalicion jo-formal parazgjedhor mes tyre të cilin qytetarët duhet ta dënojnë.
Visari vazhdon të potencojë se i njëjti fenomen po ndodh në shumë komuna, ku në Prishtinë PDK dhe LDK janë bërë bashkë në Kuvend duke mos lejuar aprovimin e disa ligjeve të rëndësishme edhe pse vazhdojnë të mohojnë një marëveshje mes tyre.
Ishte Lumir Abdixhiku ai që mohoi marrëveshjet me PDK-në në prag të zgjedhjeve.
/Rahoveci24/
