Në gjendje të mjerueshme ka mbetur kompleksi memorial për dëshmorët e kombit në Gradish të Rahovecit.
Kompleksi, i cili kishte filluar të ndërtohej para 6 vjetësh, ende pa u hapur për vizitorë, është kthyer në këtë gjendje, raporton KTV.
Ndër të tjera, në këtë kompleks është paraparë që të rivarrosen të gjithë dëshmorët e komunës së Rahovecit.
Kryetari i Komunës së Rahovecit, Smajl Latifi, thotë se kanë nisur investimet në këtë memorial dhe se janë duke punuar për të përfunduar sa më parë.
Kompleksi memorial për dëshmorët e kombit ka filluar në vitin 2012, në kohën kur Smajl Latifi kishte filluar mandatin e parë qeverisës.
