Historia e bukur, e një qyteti të bukur – dokumentar për sezonin e KB Rahovecit drejt Superligës (Video)

Historia e bukur e një sezoni të jashtëzakonshëm të një qyteti të bukur – ky është përshkrimi më i mirë që mund të marrë inkuadrimi historik i KB Rahovecit në Superligën e Kosovës në basketboll.

Edhe pse pa palestër, KB Rahoveci arriti që sezonin e rregullt të kalojë me 20 fitore dhe asnjë humbje, teksa pësoi vetëm një humbje në finale të playoffit nga KB Drita.

Inkuadrimi historik u përcoll me një duel final epik, ku mbi tre mijë rahovecianë shkuan në Suharekë për të përkrahur ekipin në sfidën e fundit drejt Superligës duke krijuar atmosferë spektakolare, shembull për vet Superligën ku atmosfera sportive dhe shpirti basketbollistik dominuan shkrimin e historisë për një qytet i cili nga sezoni i ardhshëm i bashkohet basketollit kosovar.

640x74

Dhe e gjithë kjo, është përcjellë nga gazetari elitar kosovar, Fidan Rama, i cili me RTV Dukagjinin dhe përkrahje të fuqishme nga produksioni Artvision, realizuan dokumentarin kushtuar KB Rahovecit dhe rrugëtimit drejt Superligës.

Jo vetëm klubet e Superligës kanë histori të suksesit. Edhe ato të rangjeve më të ulëta po bëjnë historinë. Dhe KB Rahoveci ka një histori shumëvjeçare të peripecive të ekzistimit, deri në kulmin e arritjes – inkuadrimin në Superligë.

Ekipi i drejtuar nga tashmë i konsideruar legjendar në Rahovec, Valentin Spaqi dhe kryetari i klubit Bekim Hoxha, me pasionin që ka dhe tifozët e qytetin që po frymon basketbollin, nga sezoni i ardhshëm pritet ta bëjnë Superligën e Kosovës në basketboll definitivisht më interesante dhe më konkurruese.
Endrra vazhdon…

https://youtu.be/qWaNEikY2MA

Shkruani koment:

Ju lutem shkruani koment.
Ju lutem shkruani emrin tuaj.