Eshtë hedhur shorti gjysmëfinal i turneut për javën e dëshmorëve organizuar nga OVL të UÇK-së dhe drejtoria për Kulturë, Rini dhe Sport.
Pas dueleve fenomenale çerekfinale me shumë gola të bukur, u tërhoq shorti gjysmëfinal.
Rahoveci24 ka qëndruar në vendin e ngjarjes, ku në një frymë krejt sportive, dhe me përfaqësuesit e ekipeve e shumë tifozë prezent, u hodh shorti.
Të enjtën nga ora 13:00 zhvillohet dueli i parë gjysmëfinal mes All Star dhe n’Qosh Bar, një super përballje kjo.
Nga ora 13:30 zhvillohet përballja tjetër shumë e fortë mes favoritëve të turneut, Agronomit dhe Artvision me shumë lojtarë kualitativë.
Dueli i vendit të tretë zhvillohet po atë ditë nga ora 17:30.
Finalja e madhe po ashtu mbahet të enjtën nga ora 18:00 në qendrën rekreative sportive, Toni Sport. /Rahoveci24/
