KB Rahoveci është njoftuar të mërkurën nga Komuna e Rahovecit se nuk do të mund të zhvillojë sipas programit ndeshjen ndaj KB Yllit.
Kështu kanë konfirmuar zyrtarët e klubit për Rahoveci24, duke thënë se shkresa e dërguar nga komuna thotë se për tre ditë nuk do të mund të zhvillohet asnjë aktivitet në palestër, e përreth saj, pasi që do të jenë rrugët e bllokuara dhe do të ketë fluks të madh çka mund të paraesë probleme për sigurinë.
Arsyeja kryesore ndërkaq është eventi Hardh n’Ven i organizuar nga HardhFest pikërisht te hyrja kryesore e palestrës në rrugën “Xhevat Kasapi”.
Kjo ka bërë që kjo ndeshje të shtyhet në një afat të pacaktuar kohor.
Ndeshja e radhës për Rahovecin është ndaj Vëllaznimit në Gjakovë më 29 dhjetor të enjtën.
/Rahoveci24/
