Gripi sezonal, fillon vaksinimi në Rahovec

Komuna e Rahovecit ka filluar procesin e vaksinimit kundër gripit sezonal për të gjithë personat e moshuar, pacientet me sëmundje kronike dhe ata me probleme tjera shëndetësore.

Ky proces i vaksinimit, është duke u bërë nëpër të gjitha qendrat e mjekësisë familjare në këtë komunë.

Sipas një komunikate të Komunës së Rahovecit, shërbimi i vaksinimit në Komunën e Rahovecit për këtë vit është furnizuar me 1 350 doza vaksina, ndërsa i gjithë procesi pritet të përfundoj brenda muajit dhjetor.

640x74

Zyrtarët e DShMS-së në Komunën e Rahovecit kanë thënë se kërkesa për furnizim ka qenë për 2 000 vaksina, ndërsa, kanë arritur të sigurohen 1350 vaksina.

“Furnizimi me kontingjentin tjetër të vaksinave, do të bëhet pas shpenzimit të sasisë e cila momentalisht është në dispozicion.

Vaksinat kundër gripit sezonal, merren pa pagesë në të gjitha qendrat e mjekësisë familjare (QKMF,QMF,AMF) në Komunën e Rahovecit”, thuhet në komunikatë.

Shkruani koment:

Ju lutem shkruani koment.
Ju lutem shkruani emrin tuaj.