Fitore e madhe e KF Rahovecit me të kuq ndaj liderit Ferizajit

KF Rahoveci ka arritur një fitore të jashtëzakonshme ndaj liderit të Ligës së Parë, Ferizajit, në stadiumin “Selajdin Mullabazi – Mici” në Rahovec. Ndeshja përfundoi me rezultat minimal 1-0.

Ekipi i reformuar i Rahovecit me shumë blerje u prit nga qindra shikues në një mot me vranësira që e kaploi qytetin tonë pasditën e të shtunës.

Pjesa e parë kaloi me balans dhe dominim të lehtë të djemve tanë, të cilët arritën që të qëllojnë edhe shtyllën.

640x74

Më interesante pa dyshim se ishte pjesa e dytë.

Mentaliteti ofanziv i Rahovecit u vërejt në pjesën e dytë, ku në minutën e 55-të, Astrit Berisha shpoi portën kundërshtare për të shënuar për 1-0 dhe epërsinë tonë.

Gjërat u vështirësuan kur 20 minuta para përfundimit të takimit Çaner Gëzim u përjashtua me kartonin e dytë të verdhë.

Ferizaji deri në fund bëri përpjekje që të barazonte, por mbrojtja e Kenan Haxhihamzës mbeti e paprekur, falë mbrojtjes së fortë.

Kjo ishte vetëm humbja e dytë këtë sezon për Ferizajin që mbanë vendin e parë në Ligën e Parë, teksa për KF Rahovecin ky është moment i kthesës këtë sezon pas rezultateve negative.

KF Rahoveci tani përkohësisht është në vendin e 11-të me 19 pikë të tubuara. /Rahoveci24/

Shkruani koment:

Ju lutem shkruani koment.
Ju lutem shkruani emrin tuaj.