FFK hap procedurë disiplinore ndaj KF Rahovecit

Ndeshja e Ligës së Parë – Grupi A ndërmjet Istogut dhe Suharekës që u mbyllë me barazim, ndërsa pati incidente në fushë dhe jashtë saj, ka bërë që Komisioni i Garave të FFK-së të inicojë procedurë disiplinore për skuadrat në fjalë, por edhe për ndeshjen e Rahovecit ndaj Rilindjes ku mysafirët pretenduan kinse për sulm ndaj tyre, ani pse ata ishin provokatorët.

Mëposhtë, inicimet disiplinore sipas KG-së:

KF ISTOGU:

640x74

“Ndaj: KF ”Istogu”. MOTIVI: Lëshim në organizim, pas përfundimit të ndeshjes ka pasur hudhje të gjësendeve në fushë. Sipas raportit të delegatit të ndeshjes Istogu -Suhareka 23, e zhvilluar në Istog me datë 23.09.2023.
Ndaj: Trajnerit të portierëve të KF Istogu, Valmir Hajrizaj nr ID 000602M85. MOTIVI: Pas përfundimit të ndeshjes në prezencë të asistentëve ka hyrë në fushë duke i treguar gjyqtarit kryesor kronometrin me pretendimin se ka shtyrë minuta më shumë shtesë se sa ish dashur, pastaj i është afruar gjyqtarit me kokë duke shtyrë vazhdimisht për çka ndëshkohet me karton të kuq direkt. Valmir Hajrizaj largohet nga stafi i KF ”Istogu” duke ofenduar disa herë. Sipas raportit të gjyqtarit kryesor të ndeshjes Istogu – Suhareka 23.”

FC SUHAREKA

“Ndaj: Drejtorit sportiv të FC ”Suahreka 23”, Lulzim Kolgeci nr ID 014586M65. MOTIVI: Pas përfundimit të pjesës së parë drejtori sportiv i FC ”Suhareka 23”, Lulzim Kolgeci ka hyrë në zhveshoren e gjyqtarëve ku ka kërkuar sqarime nga ana gjyqtari kryesor me preteks për një penallti të paakorduar. Gjyqtari kryesor ka kërkuar që zyrtari në fjalë ta lirojë hapësirën kjo ka ndodhur në prani edhe të dy asistentëve. Rasti është raportuar edhe të delegati. Sipas raportit të personave zyrtar të ndeshjes Istogu-Suhareka 23.”


KF RAHOVECI

Në anën tjetër, nuk ka kaluar pastër as ndeshja në Rahovec, ku ekipi i Rahovecit luajti me Rilindjen 1974.

“Ndaj: KF ”Rahoveci”. MOTIVI: Lëshim në organizimin e ndeshjes në min 67-të ka pasur hudhje të një shishe PVC në fushë nga ana e tifozëve nikoqir. Në min 90+ ka pasur fjalosje dhe hudhje te shisheve PVC të ndërsjellta ndërmjet shikuesëve nikoqir dhe bankës mysafire ku erdhe deri te ndërprerja e ndeshjes për 5 min deri sa është zbrazur ajo pjesë e publikut dhe më pas ka vazhduar ndeshja. Sipas raportit të personave zyrtar të ndeshjes Rahoveci-Rilindja 1974.”

Shkruani koment:

Ju lutem shkruani koment.
Ju lutem shkruani emrin tuaj.