Trajneri legjendar i KF Rahovecit, Fadil Vuçitërna, ka kërkuar maksimumin nga lojtarët e tij dhe fitore ndaj Ballkanit.
Rahoveci24 qëndroi në stërvitjen e fundit para ndeshjes së vitit ndaj ekipit nga Suhareka.
Fadili pas aplikimit të stërvitjes fizike duke analizuar kundërshtarin kërkoi fokus maksimal dhe qetësi të lojtarëve në lojë.
Ai madje shprehet i sigurt në fitore.
“Do të punojmë mirë. Të motivohemi nga tifozët, por mos të ndikohemi. Do të punojmë nē fushë dhe i shënojmë 3 gola, nëse jo 3 i shënojmë 4”, tha Fadili para ndeshjes lojtarëve.
Fadili deri tash ka vetëm dy humbje si trajner teksa për të shtunën mungon Hamid Mullabazi i lënduar.
Në dyshim të madh mbetet paraqitja e Besnik Shehut ndaj Ballkanit, i cili pësoi një rast tragjik në familje, pasi ndërroi jetë nipi i tij njëvjeçar. Ai mungoi edhe në stërvitjen e fundit.