Edhe pse një pjesë e refugjatëve kosovarë që shkuan gjatë luftës në Kanada vendosën të kthehen në Kosovë, një pjesë e tyre ndërtuan jetën e re në shtetin e largët. Bujar Zejnullahu dhe Dashnor Hasku janë në mesin e tyre.
Tash e disa vjet ata kanë ndërtuar një agjenci udhëtimesh e cila u shërben shumë njerëzve në rajonin e Torontos, duke përfshirë shumë bashkatdhetarëve.
Zejnullahu gjithashtu është organizator i manifestimi tradicional të valles shqipe në Air Canada Center, gjatë ndeshjeve të NBA të Toronto Raports. Për më shumë ndiqeni një pjesë të reportazhit “Kanadaja – histori integrimi”, transmetuar në Interaktiv të KTV-së.
Për suksesin e Dashnor Haskut ditë më parë kishte shkruar edhe Gazeta Express.
