Bardh Rexha konfirmon se ka oferta: E dua Rahovecin, por dua të luaj dhe jam gati të shpërthej në cilin do klub

Basketbillisti i KB Rahovecit, Bardh Rexha, ka konfirmuar se ka oferta nga klubet tjera për edicionin e ardhshëm në Superligën e Kosovës në basketboll.

Bardh Rexha pohimet i bëri në emisionin ASIST ku ishte i ftuar për të folur për paraqitjen historike në Rumani në kualifikimet e FIBA 3×3.

640x74

Bardh Rexha në edicionin 2019/2020 shkëlqeu me paraqitje monstruoze në dhjetëra ndeshje ku regjistroi edhe double double si veç si 18 vjeçar nën drejtimin e Marjan Ilievskit.

Sidoqoftë paraqitjet spektakolare të tij mbetën veç histori pasi ai nuk ishte pjesë e planeve të Bujar Locit e as Fotis Takianos.

I pyetur nga Agon Fehmiu nëse është i hapur për ndonjë klub tjetër, Rexha i emocionuar u shpreh se ai e do Rahovecin, por dëshiron të luajë ku do sepse është gati të shpërthejë.

“Kontrata ime ka skadu, e dua Rahovecin, mirëpo primare e kom karrierën tem, po përgatitem fort dhe ka klube që më kanë ftu dhe nëse shoh se mund të kontriboj ku do jam i gatshëm që sezonin e ardhshëm me shpërthy”, theksoi mes tjerash Bardh Rexha.

Shkruani koment:

Ju lutem shkruani koment.
Ju lutem shkruani emrin tuaj.