Drejtori për Arsim në komunën e Rahovecit, Avni Morina, duhet të shkarkohet nga kjo pozitë prej kryetarit të komunës së Rahovecit, Smajl Latifi, në ditën e fundit të afatit ligjor të caktuar nga Inspektorati i Arsimit të Gjakovës.
Në dokumentin e publikuar në faqen e Vetëvendosjes në Rahovec që e ka konfirmuar këtë lajm, thuhet se Avni Morina akuzohet për shtatë shkelje.
Këto shkelje besohet se u raportuan nga mësimdhënësit e pakënaqur që e akuzuan drejtorin për politizim të arsimit.
Inspektorati i Arsimit në Gjakovë i dha afat kryetarit Smjal Latifi shtatë ditë për ta shkarkuar dhe në ditën e fundit ai e ndërmori këtë veprim, por pretendon se ende nuk e ka shkarkuar.
Avni Morina kështu nuk do të mund të ushtrojë asnjë funksion derisa të shpallet i pafajshëm për shkeljet e tij të keqpërdorimit të detyrës zyrtare.
Kjo është një goditje e rëndë për Smajl Latifin i cili është akuzuar shpesh herë nga mësimdhënësit dhe profesionsitët e Rahovecit për veprimet e drejtorit të tij, për të mos marrë masa asnjëherë ndaj tij.
