Aksion i policisë në Rahovec, arrestohet i dyshuari që iu gjet një armë automatike

Policia e Kosovës ka zhvilluar aksion në qytetin e Rahovecit.Policia ka bërë të ditur për arrestimin e të dyshuarit të cilit iu gjet një armë automatike.

Njoftimi i plotë i Policisë:

640x74

Sot me datën 07.11.2023, pas një hetimi preliminar që është zhvilluar nga Njësia e Hetimeve në kuadër të Stacionit Policor në Rahovec, lidhur me informatën e pranuar për mbajtje në pronësi të pa autorizuar të armëve, është arritur që të identifikohet i dyshuari, mashkull kosovar. Në koordinim me prokurorin e shtetit dhe në realizim të urdhër kontrollit të lëshuar nga Gjykata Themelore në Gjakovë, është kryer kontroll i shtëpisë dhe objekteve përcjellëse të të dyshuarit në fshatin Dobidol-Rahovec, me ç’rast është gjetur dhe konfiskuar një pushkë automatike: • AK-47, një karikator dhe 21 copë fishekë të po të njëjtës armë. I dyshuari është arrestuar dhe është intervistuar në prani të avokatit mbrojtës. Në konsultim me prokurorin e shtetit, pas përfundimi të procedurave të rregullta policore, i njëjti është liruar dhe rasti do të trajtohet në procedurë të rregullt.

Shkruani koment:

Ju lutem shkruani koment.
Ju lutem shkruani emrin tuaj.