Numri i aksidenteve në trafik pothuajse çdo ditë është i madh. Në të shumtën e rasteve, aksidentet po shkaktohen si pasojë e pakujdesisë së shoferëve gjatë vozitjes dhe mosrespektimit të rregullave. Kështu ndodhi edhe mbrëmë në rrugën Prizren – Gjakovë, saktësisht në fshatin Rogovë.
Sinjali mëson se një motoçikletë e ka goditur një traktor që po lëvizte në orët e mbrëmjes, pa drita sinjalizuese në pjesën e prapme.
Për pasojë, drejtuesi i motoçikletës ka pësuar lëndime të rënda, ndërsa pasagjeri dhe shoferi i dyshuar i traktorit janë lënduar lehtë.
Burimet thonë se shoferi i dyshuar është arrestuar dhe shoqëruar në stacion policor, pasi fillimisht ka marrë trajtim mjekësor.
Ndaj tij, Prokurori i Shtetit ka urdhëruar masën e ndalimit policor.