Janë mbajtur gjysmëfinalet e turneut me rastin e javës së dëshmorëve.
Turneu i organizuar nga drejtori për DKRS, Gardalin Shtavica dhe OVL të UÇK-së ka hyrë në fazën më interesante.
Gjysmëfinalja e parë u zhvillua mes All Star dhe n’Qosh Bar.
Pas epërsisë prej 2-0 të kafe All Star, ishte lokali rival që arriti të barazojë rezultatin në 2-2 në atë që ishte një ndeshje dramatike.
Krejt në fund All Star arriti që të vulosë fitoren me golin e tretë dhe të arrijë finalen me rezutlat 3-2.
Në gjysmëfinalen tjetër Artvision me shumë lojtarë kualitativë nuk arriti t’i bëjë ballë Agronomit që në përbërje kishte edhe kampionin e Kosovës, Isa Eminhaziri.
Kjo sfidë përfundoi me rezultat 3-0 me Agronomin që shkon në finale si favorit absolut.
Ndeshja për vendin e tretë zhvillohet nga ora 17:30, kurse finalja e madhe mes Agronomit dhe All Star zhvillohet nga ora 18:00.
