Ish-kapiteni i Rahovecit dhe mbrojtësi, Bajram Krendali, është larguar nga klubi.

Megjithë dëshirën e tij për të ndihmuar klubin të rikthehet në Ligën e Parë, situata e rënduar te KF Rahoveci ka ndikuar që ai të pranojë ofertën e Drenasit.

Krendali sipas burimeve ka nënshkruar kontratë 6 mujore me vlerë të lartë financiare.

Bajrami ishte i kërkuar nga disa skuadra të Superligës së Kosovës, Superligës shqiptare dhe Ligës së Parë.

“Falënderoj Drenasin për mundësinë e dhënë. Po filloj një etapë të re në karrierën, ku shpresoj të ndihmoj klubin në arritjen e objektivave. Mirë u pafshim në Rahovec, do të kthehem në ditë më të mira”, u shpreh Krendali për kalimin e tij.

Bajrami aksionin e fillon nga fundjava ku debuton me klubin e ri.