Gjykata ka dënuar Durak Hoxhajn me vetëm 3 vite e gjysmë burgim, ai është fajtor për aksidentin ku vdiqën 5 persona.

Në korrik të këtij viti, 4 djem te rinj po shkonin mysafir ne Rahovec.

Por, ata nuk arritën asnjëherë në destinacionin ku ishin nisur.

Kjo pasi që deri sa po lëvizin me makinën e tyre rrugës në fshatin Bërnjak, një veturë e tipit Renault kishte filluar një tejkalim që nuk arriti ta përfundonte.

Vetura që po e ngiste Durak Hoxhaj, u përplas me veturën në të cilën ishin katër persona të tjerë.

E të vdekur në vend këtu mbeten dy persona, ndër ta edhe bashkëshortja e shkaktarit të këtij aksidenti.

Por, numri i viktimave nuk u ndal me kaq.

Edhe tre persona të tjerë vdiqën nga lëndimet e marra në këtë aksident.

E familjarët e këtyre viktimave, të hënën erdhën në Gjykatën Themelore të Gjakovës, dega në Rahovec.

Ata do të dëgjojnë vendimin e gjykatës, për të akuzuarin Durak Hoxha.

Edhe ky erdhi në Gjykatë.

Ndërsa, kryetari i trupit gjykues, Mizair Shabani, në prani të publikut shpalosi vendimin e gjykatës.

Mizair Shabani, Gjykatës

3 vjet e 6 muaj…

E dënimi prej vetëm 3 vjet e gjysmë nxiti tensione në sallën e gjyqit.

Njëri nga familjarët e pështyu Durak Hoxhën.

E pakënaqësia e familjarëve vazhdoi edhe në korridoret e gjykatës.

Lartësia e dënimit po shihet si skandaloz nga familjarët e viktimave.

Islam Jupolli, babai i Lulzim Jupollit

5 jeta njerëzish i ka marrë, 3 vjet dënimi.cfarë dënimi është ky. Ska ligj, shtet, na ka helmu. Kurrë nuk ka ndodh kështu, edhe del si kapadai tu kesh.

Islam Jupolli, babai i Lulzim Jupollit

Po e pështyva në fytyrë, cka me bo.Ata kanë qenë lulja jonë ma e mirë.

Të pakënaqur u shfaqën edhe familjarët e tjerë të viktimave.

Familjari tjetër..

Mëndoj qe është vendim qesharak, kanë vdek 5 njërëz, e ja jep 3 vjet burg. E permen rastin e romit….

Ndërkohë, avokati mbrojtës i viktimave thotë se në konsultim me familjarët do të shohin mundësinë për tu ankuar.

Është ceshtje e gjykatës. Cdo palë ka të drejtë të ankesë. Do ti konsulltojë familjarët.

Ndërkohë, avokati mbrojtës i Durak Hoxhajt, Durim Nevzati, tha që i akuzuari ka kërkuar falje, dhe nuk ka dashur të flasë për shkak të ndjeshmërisë së rastit.